പ്രേതാനുഭവങ്ങള്‍ - വിശ്വസിച്ചാലും ഇല്ലെങ്കിലും.

പലര്‍ക്കും ഇത് പോലെ പലതും പറയാനുണ്ടാവും.  എന്തൊക്കെ പറഞ്ഞാലും ചില അമാനുഷിക ശക്തികള്‍ നമുക്ക് ചുറ്റും ഉണ്ടെന്നുള്ളത് സത്യമാണ്. വെയിലിനു നിഴലും, വെളിച്ചത്തിന് ഇരുട്ടും, പകലിനു രാത്രിയും ഉള്ളതുപോലെ ഇതൊക്കെ സത്യം തന്നെ.  പിന്നെ വിശ്വാസം, അതല്ലേ എല്ലാം. 

പലരും എന്നോട് പങ്കുവെച്ച ചില അമ്മനുഷികാനുഭവങ്ങള്‍ ആണിവിടെ ചേര്‍ക്കുന്നത്.

എന്റെ ഒരു കൂട്ടുകാരന്‍ - (ഇവിടെ നേരത്തെ ഒരു പോസ്റ്റില്‍ ഞാന്‍ സൂചിപ്പിച്ച അജിത്‌) പറഞ്ഞ സംഭവം ആണിത്.

ഈ സംഭവം നടക്കുന്നത് 2000 ആണ്ടിലാണ്.  ഞാന്‍ നേരത്തെ ജോലി ചെയ്തിരുന്നത് ഒരു ഡല്‍ഹി ആസ്ഥാന കമ്പനിയുടെ ബാംഗ്ലൂര്‍ റിജിയണല്‍ ഓഫീസ്‌ -ലാണ്.  ഞങ്ങള്‍ താമസിച്ചിരുന്നത് കമ്പനി തന്ന ഒരു രണ്ടു ബെഡ് റൂം അപര്ട്ട്മെന്റില്‍ ആയിരുന്നു.  അത് HAL എയര്‍ പോര്‍ട്ട്‌നു അടുത്തു തന്നെ ആയിരുന്നു. ആ കെട്ടിടം പണി തീരാന്‍ കുറയെ സമയം എടുത്തതായി കേട്ടിട്ടുണ്ട്, ഏഴു നിലകളുള്ള ആ കെട്ടിടത്തിന്റെ ഒന്നാമത്തെ നിലയിലായിരുന്നു ഞങ്ങളുടെ താമസ സ്ഥലം.  ഞങ്ങള്‍ (ഞാനും എന്റെ രണ്ടു കൂട്ടുകാരും - ഒരാള്‍ ബെല്‍ഗാമില്‍ നിന്നും മറ്റെയാള്‍ ബെന്ഗാളില്‍ നിന്നും) പലപ്പോഴും വരാന്‍ ഒത്തിരി താമസിക്കാറുണ്ട്‌... എന്റെ ഈ കൂട്ടുകാരന്‍ എന്നെ കാണാന്‍ ചിലപ്പോഴൊക്കെ വരാറുണ്ട്...

ഞാന്‍  നാട്ടില്‍ പോയിരുന്ന ഒരു സമയം (മറ്റു രണ്ടു പേരും അവരുടെ ബന്ധുക്കളുടെ വീട്ടിലും പോയിരുന്നു) എനിക്ക് അജിയെ അറിയിക്കാന്‍ കഴിഞ്ഞില്ല, രണ്ടു ദിവസം കഴിഞ്ഞു തിരികെ വന്നപ്പോള്‍ അവനെ പോയി കണ്ടു.  ഒരു കുസൃതി ചിരിയോടെ അവന്‍ ചോദിച്ചു "എന്നാ നിങ്ങളുടെ കൂടെ പെണ്ണുങ്ങളും താമസിക്കുന്നുണ്ടോ?".

ഞാന്‍ പറഞ്ഞു "ഞങ്ങള്‍ മൂന്നു പേരും റൂമില്‍ ഇല്ലായിരുന്നു, ഇന്ന് രാവിലെയാണ് വന്നത്, എന്താ പ്രശ്നം?"

അജി "ഞാന്‍ വെള്ളിയാഴ്ച ഒരു 11 മണിക്ക് നിങ്ങടെ റൂമില്‍ വന്നപ്പോള്‍ ഒരു പെണ്ണ് നിങ്ങടെ റൂമില്‍ നിന്നും വന്നു ലിഫ്റ്റില്‍ കയറി പോകുവാന്‍ അങ്ങോട്ട്‌ പോകുന്നത് കണ്ടു".

ഞാന്‍ "അങ്ങനെ വരാന്‍ സാധ്യത ഇല്ല, അവിടെ ലിഫ്റ്റ്‌ കേടാണ്, ആരും യൂസു ചെയ്യുന്നില്ല, പിന്നെ മൂന്നാമത്തെ നിലയിലെ ഫ്ലാറ്റില്‍ മരുന്നുകളും ഒക്കെ വെച്ചിരിക്കുന്നു - അവിടെ ആരും താമസം ഇല്ല, പിന്നെ നിനക്ക് മറ്റവന്മാരെ അറിയില്ലേ, അങ്ങനൊന്നും മോശമായ കാര്യങ്ങള്‍ ചെയ്യില്ല, അതിനുള്ള ഗട്സും അവന്മാര്‍ക്കില്ല."

അവന്‍ "ശരി എന്തെങ്കിലും ആകട്ടെ" പിന്നെ ഞങള്‍ മറ്റു കാര്യങ്ങള്‍ സംസാരിച്ചു.. പിന്നെ മറ്റു വിവരങ്ങള്‍ സംസാരിച്ചു പിരിഞ്ഞു.

പിറ്റേന്ന് കമ്പനിയില്‍ ചെന്ന ഞാന്‍ മറ്റുള്ളവരുമായി ഈ വിഷയം സംസാരിച്ചു, ഇത് പോലെ ഉള്ള അനുഭവങ്ങള്‍ പലര്‍ക്കും ഉണ്ടായിട്ടുണ്ടത്രേ...  ചിലര്‍ ഒന്നില്‍ കൂടുതല്‍ സ്ത്രീകളെ കണ്ടിട്ടുണ്ട്. ചിലരെ കാലില്‍ പിടിച്ചു വലിച്ചു വെളിയില്‍ കൊണ്ടിട്ടിട്ടുണ്ട്, ചിലരുടെ തൊണ്ടയില്‍ ഞെക്കിയിട്ടും ഉണ്ടത്രേ.

ആ അപാര്‍ത്മെന്റ്റ് ഒരു പ്രേത ഭാവനമാനെന്നും, അവിടെ ആരും സ്ഥിരമായി താമസിക്കാരും ഇല്ല, കാരണം, ഇങ്ങനത്തെ ഈ അനുഭവങ്ങള്‍ തന്നെ.

എന്താണെന്നറിയില്ല, ആ കമ്പനി ഇപ്പോഴും ആ അപാര്‍ത്മെന്റുകള്‍ വിട്ടിട്ടില്ല.  (ഞാന്‍ ആ കമ്പനിയില്‍ നിന്നും പോന്നിട്ട് എട്ടു വര്‍ഷങ്ങള്‍ ആയി).



>>> Ghost Stories <<< Super natural experiences >>> Believe or not<<<